სახალხო დამცველის ინიციატივა
თბილისი. საქართველოს სახალხო დამცველმა წინადადებით მიმართა საგარეო საქმეთა სამინისტროს, მშობელთა მზრუნველობას მოკლებულ და მიტოვების რისკის ქვეშ მყოფ ბავშვთა შესახებ გაეროს გენერალური ასამბლეის რეზოლუციის მხარდაჭერის შესახებ.
ევროკავშირის წევრმა სახელმწიფოებმა გაეროს გენერალურ ასამბლეაზე „მშობელთა მზრუნველობას მოკლებულ და მიტოვების რისკის ქვეშ მყოფ ბავშვთა შესახებ" რეზოლუციის ინიცირება და 2019 წლისათვის მისი განხილვის ადვოკატირება მოახდინეს.
საქართველოს სახალხო დამცველი მნიშვნელოვნად მიიჩნევს, რომ საქართველომ, გაეროში საკუთარი წარმომადგენლობის მეშვეობით, მხარი დაუჭიროს ევროკავშირის წევრ სახელმწიფოთა ინიციატივას, რომელიც ითვალისწინებს 2019 წელს ამ საკითხის შეტანას გაეროს გენერალური ასამბლეის მესამე კომიტეტის დღის წესრიგში და ასამბლეის მიერ ზემოაღნიშნული რეზოლუციის მიღებას.
წყარო: სახალხო დამცველის ვებგვერდი
