საია ეხმიანება ქუთაისსა და თიანეთში მომხდარ ძალადობრივ ინციდენტებს
თბილისი. საქართველოს ახალგაზრდა იურისტთა ასოციაცია (საია) ქუთაისსა და თიანეთში ძალადობრივ ინციდენტებს ეხმაურება.
„მიგვაჩნია, რომ ძალადობრივი ქმედებები საფრთხეს უქმნის საარჩევნო პროცესების მშვიდ და სტაბილურ ვითარებაში წარმართვას და ზიანს აყენებს საარჩევნო გარემოს", ნათქვამია ორგანიზაციის განცხადებაში.
საია მოუწოდებს სამართალდამცავ ორგანოებს დროულად გამოიძიონ ძალადობრივი ფაქტები, საარჩევნო პროცესებში ჩართულმა მხარეებმა კი მეტი პასუხისმგებლობა გამოიჩინონ და თავი შეიკავონ დაპირისპირებისგან.
წყარო: gyla.ge
