ტოლერანტთა კლუბის წევრებმა სინაგოგა მოინახულეს
აჭარა. 16 ოქტომბერს, ტოლერანტთა კლუბის წევრებმა მოინახულეს ბათუმში არსებული ებრაელთა სამლოცველო სახლი სინაგოგა, რომლის ისტორია XX საუკუნის დასაწყისიდან მოდის. მაშინ ადგილობრივმა ებრაელებმა რუსეთის იმ დროინდელ იმპერატორს მიმართეს პეტიციით, რათა მათთვის სინაგოგის აშენების ნებართვა ებოძებინათ. სინაგოგის მშენებლობა 1904 წელს დასრულდა.
კლუბის წევრები ებრაელების წარმომადგენელს, ვიტალი გონჩაროვს გაესაუბრნენ და განიხილეს სინაგოგის დაარსების ისტორია, ებრაელების ტრადიციები, კულტურა, ადათ-წესები და სხვადასხვა დამახასიათებელი რიტუალები.
წყარო: ორგანიზაციის ვებგვერდი სოციალურ ქსელში
