იმერეთი. „ჩაერთე შენი თემის მართვაში" ასე ქვია პროექტს, რომლის პრეზენტაციაც 19 მარტს, ახალგაზრდა ეკონომისტთა ასოციაციის წარმომადგენლებმა ქუთაისის თვითმმართველობაში გამართეს. როგორც პაატა კლდიაშვილმა განაცხადა, პროექტის მიზანი  ზესტაფონისა და სამტრედიის მუნიციპალიტეტებში სოფლის მაცხოვრებელთა სამოქალაქო აქტიურობის ზრდა და მიმდინარე პროცესებში მათი ჩართულობის ხელშეწყობაა. შეხვედრაზე ეკონომისტებმა მათ მიერ უკვე განხორციელებულ პროექტებზეც ისაუბრეს, მათ შორის იყო პროექტები, რომელიც საუბნო გზების რეაბილიტაციას, საგზაო სამუშაოების ჩატარებას, სასმელი წყლის სისტემების რეაბილიტაციასა და სკვერების მოწყობას შეეხებოდა.