ბენდი „ერთად“ ეთნოკულტურული კომპოზიცია
გურია. 21 ოქტომბერს, პროექტის „მულტიკულტურული ინტეგრაცია აჭარაში" ფარგლებში ჩამოყალიბებულმა ბენდი „ერთად" ქალაქ ქობულეთის გელაურის დასახლებაში ეთნოკულტურული კომპოზიციით წარსდგა საზოგადოების წინაშე.
„მიმდინარე პროექტის ფარგლებში, ქობულეთის მუნიციპალიტეტში კიდევ ერთი მსგავსი შეხვედრაა დაგეგმილი. პროექტის მიზანია აჭარაში მცხოვრები ეთნიკური/ეროვნული, რელიგიური უმცირესობების ინტეგრაცია ქართულ სოციუმში და ბენდის მიერ შექმნილი ეთნოკულტურული კომპოზიციის პოპულარიზაცია," ნათქვამია ორგანიზაციის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
