თბილისი. „სამართლიანი არჩევნებისა და დემოკრატიის საერთაშორისო საზოგადოებამ" (ISFED) დღეს, 2018 წლის საპრეზიდენტო არჩევნების კონტექსტში, სოციალური მედიის მონიტორინგის შუალედური ანგარიში წარმოადგინა.

შუალედურ ანგარიშში „სამართლიანი არჩევნების" შესწავლის საგანი იყო შემდეგი ოთხი მიმართულება: საპრეზიდენტო კანდიდატების, მათი წარმდგენი პოლიტიკური პარტიებისა და კამპანიის ოფიციალური გვერდების აქტივობა და მათი შესაბამისობა კანონმდებლობასთან; ადგილობრივი თვითმმართველობის საჯარო მოხელეების მიერ „ფეისბუქზე" აგიტაცია; ადგილობრივი თვითმმართველობის და აჭარის ა/რ ორგანოების ოფიციალური „ფეისბუქ" გვერდების მონიტორინგი; ძირითადად დისკრედიტაციის მიზნით შექმნილი „ფეისბუქ" გვერდების აქტივობა, მათი მოქმედების ტაქტიკა და ძირითადი მესიჯები.

წყარო: ორგანიზაციის ვებგვერდი