თბილისი. საქართველოს ახალგაზრდა იურისტთა ასოციაცია საპრეზიდენტო არჩევნების მეორე ტურამდე პერიოდს აკვირდება და რამდენიმე მნიშვნელოვან მომენტს გამოჰყოფს.

„ამ პერიოდში იკვეთება როგორც უკანონო აგიტაციის შემთხვევები, რა დროსაც უცხო ქვეყნის მოქალაქეები/მოქალაქეობის არმქონე პირები აქტიურად მონაწილეობენ კამპანიაში, ასევე კვლავ გრძელდება საარჩევნო სუბიექტების მხარდამჭერების მიერ სიძულვილის ენის ტირაჟირება", - აღნიშნულია საია-ს მიერ გავრცელებულ ინფორმაციაში, - „საია მოუწოდებს:

საარჩევნო სუბიექტებსა და მათ მხარდამჭერებს - კანონმდებლობასთან შესაბამისობაში წარმართონ საარჩევნო კამპანია და საკუთარ გამოსვლებში აღკვეთონ სიძულვილის ენის შემცველი ან ძალადობრივი, ეროვნული შუღლისა და მტრობისკენ, რელიგიური და ეთნიკური დაპირისპირების შემცველი განცხადებები; საარჩევნო ადმინისტრაციას - შეისწავლოს უკანონო აგიტაციის ფაქტები და მიიღოს შესაბამისი გადაწყვეტილებები".

წყარო: ორგანიზაციის ვებგვერდი