ISFED: საოლქო კომისიებში საჩივრების განხილვის სტანდარტი მკვეთრად გაუარესდა
თბილისი. „სამართლიანი არჩევნებისა და დემოკრატიის საერთაშორისო საზოგადოების" (ISFED) დასკვნით, საოლქო საარჩევნო კომისიებში საჩივრების განხილვის სტანდარტი მკვეთრად გაუარესდა.
„ზოგადი ტენდენციის სახით შეიძლება ითქვას, რომ ნებისმიერი სახის დარღვევაზე განურჩევლად მისი სიმძიმისა საუბნო კომისიის წევრები ახსნა-განმარტებას წერენ, რაც საკმარის საფუძვლად მიიჩნევა არამარტო ფაქტობრივი გარემოებების დასადგენად, არამედ ასევე შესაბამისი კომისიის წევრის პასუხისმგებლობისგან გასათავისუფლებლად. ანალოგიური მიზნით გამოიყენება ასევე შესწორების ოქმები. საოლქო კომისიები მაქსიმალურად ცდილობენ ნებისმიერი არგუმენტით თავი აარიდონ არათუ კენჭისყრის შედეგების გადასინჯვას, არამედ საუბნო კომისიის წევრებისთვის პასუხისმგებლობის დაკისრებასაც”, - ვკითხულობთ ISFED-ის მიერ გავრცელებულ ინფორმაციაში.
წყარო: ორგანიზაციის ვებგვერდი
