სამეგრელო. ზუგდიდში, დემოკრატიული ჩართულობის ცენტრში, ახლადდაფუძნებული არასამთავრობო ორგანიზაცია „სამეგრელოს ხმის" პრეზენტაცია გაიმართა. ორგანიზაციის დამფუძნებელმა, ყოფილმა პარლამენტარმა თენგიზ ჯგუშიამ ორგანიზაციის მიზნებზე: თვითმმართველობის განხორციელებაში მოქალაქეთა ჩართულობის ხელშეწყობასა და ადგილობრივ ხელისუფლებაზე კონტროლის მექანიზმებზე ისაუბრა.

მისი განცხადებით, „სამეგრელოს ხმას" 400–მდე წევრი ჰყავს, რომელშიც გაწევრიანებული არიან პედაგოგები, არასამთავრობო ორგანიზაციების წარმომადგენლები, იურისტები და რიგითი მოქალაქეები.