TI-ს მორიგი წარმატება: იამზე მარაქველიძე თანამდებობაზე აღადგინეს
თბილისი. საერთაშორისო გამჭვირვალობა - საქართველოს იურისტების განცხადებით, მოქალაქე იამზე მარაქველიძე ზესტაფონის მუნიციპალიტეტის მერიამ თანამდებობაზე აღადგინა და განაცდურიც აუნაზღაურა.
იამზე მარაქველიძე მერიამ უკანონოდ გაათავისუფლა და 2018 წლის 1 იანვრიდან მან ორგანიზაციის დახმარებით, პირველი და მეორე ინსტანციის სასამართლოები მოიგო. მიუხედავად ამისა, ზესტაფონის მერია არ ასრულებდა სასამართლოს გადაწყვეტილებას მარაქველიძის თანამდებობაზე აღსადგენად. საერთაშორისო გამჭვირვალობა - საქართველოს არაერთი მიმართვის და საჯარო განცხადების შემდეგ მერიამ სასამართლოს გადაწყვეტილება აღასრულა.
წყარო: ორგანიზაციის ვებგვერდი სოციალურ ქსელში
