„10 დეკემბერს პარლამენტის ბიუროზე დარეგისტრირდა პარლამენტის წევრების გურამ მაჭარაშვილის და რატი იონათამიშვილის კანონპროექტი, რომელიც ითვალისწინებს პრეზიდენტის ადმინისტრაციის თანამშრომლებისთვის პროფესიული საჯარო მოხელის სტატუსის ადმინისტრაციული ხელშეკრულებით დასაქმებული პირის სტატუსით შეცვლას. ამ ცვლილებით, პრეზიდენტის ადმინისტრაციის თანამშრომლების გათავისუფლება მოხდება პრეზიდენტის ვადის გასვლისთანავე, ხოლო ახალი თანამშრომლების აყვანა შესაძლებელი იქნება უკონკურსოდ და მათი ხელშეკრულების ვადა პრეზიდენტის უფლებამოსილების ვადაზე იქნება მიბმული. ამით ირღვევა როგორც ადმინისტრაციის თანამშრომელთა უფლებები, ასევე საფრთხე ექმნება საჯარო სამსახურის რეფორმის განხორციელებას," ნათქვამია ორგანიზაციის ვებგვერდზე.

წყარო: www.transparency.ge