თბილისი. საქართველოს პოლიტიკის ინსტიტუტი აქვეყნებს შოთა ნარსიას ბლოგპოსტს: საქართველოს პარტიული სისტემის მომავალი: ბიპოლარიზაცია, „მესამე ძალის" გაძლიერება თუ მრავალპარტიული სისტემა?.

„საპრეზიდენტო არჩევნების შედეგებმა საქართველოში ახალი მსჯელობის საგანი წარმოშვა, რაც პარტიული სისტემის მომავალს უკავშირდება. არსებული დისკურსი ემპირიულ და ნორმატიულ განზომილებებში წარიმართება. ერთი მხრივ, იგი მოიცავს არსებული ვითარების შეფასებას და მეორე მხრივ, იმას, თუ რა გვჭირდება მის შესაცვლელად. კენჭისყრის შედეგები ზოგმა ორპარტიული სისტემის წინაპირობად აღიქვა, ზოგმა კი „მესამე ძალის" საჭიროებაზე გაამახვილა ყურადღება. ორივე მიდგომა საკმაოდ ზედაპირულია იმისათვის, რომ პარტიული სისტემის წინაპირობები ადეკვატურად განსაზღვროს," ნათქვამია ორგანიზაციის ვებგვერდზე.

წყარო: gip.ge