თვითმმართველობების მიერ საჯარო ინფორმაციის მოწოდების პრობლემა იმერეთში
თბილისი. „საერთაშორისო გამჭვირვალობა - საქართველოს" (TI) დასკვნით, იმერეთის მუნიციპალიტეტები საჯარო ინფორმაციას კანონმდებლობით დადგენილ ვადებში არ გასცემენ, ხშირ შემთხვევაში კი, მათ მიერ გაცემული ინფორმაცია არასრულია. „საერთაშორისო გამჭვირვალობა-საქართველო", კვლევებისა და სტატიების მომზადებისას, ხშირად მუნიციპალიტეტებიდან მიღებულ საჯარო ინფორმაციას ეყრდნობა. იმერეთის მუნიციპალიტეტების შემთხვევაში, ამ კუთხით პრობლემები არაერთხელ შეგვქმნია", - ვკითხულობთ TI-ის მიერ გავრცელებულ ინფორმაციაში, - „საჯარო ინფორმაციის გაცემის პროცესის მონიტორინგის მიზნით, ჩვენმა ორგანიზაციამ, 2018 წლის სექტემბერში საჯარო ინფორმაცია იმერეთის მხარის ყველა მუნიციპალიტეტის მერიიდან და საკრებულოდან გამოითხოვა. ინფორმაცია ეხებოდა საშტატო ნუსხას, შრომის ანაზღაურებას, მივლინებებზე, საწვავსა და სატელეკომუნიკაციო საშუალებებზე დახარჯულ საბიუჯეტო თანხებს".
წყარო: ორგანიზაციის ვებგვერდი
