ოჯახში ძალადობის დანაშაულზე მედიაცია დაუშვებელია
თბილისი. „ქალთა მოძრაობა" აქვეყნებს განცხადებას ოჯახში ძალადობის დანაშაულზე მედიაციის დაშვებაზე.
„გუშინ გავრცელდა ინფორმაცია, რომ საპატრიარქო და კონკრეტული სასულიერო პირები აწარმოებენ პარლამენტთან აქტიურ მოლაპარაკებას სამების ტერიტორიაზე, რათა ოჯახში ძალადობის შემთხვევებში სასულიერო პირებმა აწარმოონ მედიაცია".
„ქალთა მოძრაობა" თვლის, რომ პარალმენტმა
1. უნდა შეწყვიტოს კულუარული მოლაპარაკებები სამებაში და გადაიტანოს შესაძლო საკანონმდებლო ინიციატივაზე მსჯელობა პარლამენტში და ამით გახადოს დისკუსია საჯარო და ხელმისაწვდომი ყველა დაინტერესებული პირისათვის და თავად ძალადობის მსხვერპლი ქალებისა და მათი ინტერესების დამცველი ორგანიზაციებისათვის;
2. გაითვალისწინოს საერთაშორისო სტანდარტები და საუკეთესო პრაქტიკა, რომლის მიხედვითაც ქალზე ძალადობის შემთხვევებში კანონით განსაზღვრული შუამავლობა და მორიგება აკრძალულია.
წყარო: „ქალთა მოძრაობის" გვერდი სოციალურ ქსელში
