EMC: “კიდევ ერთი შრომითი დავა დასრულდა დასაქმებულის გამარჯვებით”
თბილისი. ზუგდიდის რაიონულმა სასამართლომ ა(ა)იპ „მესტიის მუნიციპალიტეტის კულტურისა და ხელოვნების ცენტრიდან" გათავისუფლებული მანანა საღლიანის სამსახურში აღდგენის გადაწყვეტილება მიიღო.
სასამართლომ ბათილად ცნო მესტიის მუნიციპალიტეტის კულტურისა და ხელოვნების ცენტრის დირექტორის ბრძანება, მანანა საღლიანის სამსახურიდან გათავისუფლების შესახებ, მოპასუხეს დაავალა მოსარჩელის სამსახურში აღდგენა იგივე თანამდებობაზე და დააკისრა იძულებითი განაცდურის ანაზღაურება. მანანა საღლიანის ინტერესებს სასამართლოში „ადამიანის უფლებების სწავლების და მონიტორინგის ცენტრი" (EMC) წარმოადგენდა.
წყარო: ორგანიზაციის ვებგვერდი
