27 მარტს, 12:00 საათზე, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარესთან არასამთავრობო ორგანიზაციების შეხვედრა ჩატარდება.

განსახილველი საკითხები: პატიმრობის კოდექსის ცვლილებები; პენიტენციური სისტემის დაწესებულებებზე საზოგადოებრივი მონიტორინგი; სისხლის სამართლის საპროცესო კოდექსში შესატანი ცვლილებები; სისხლის სამართლის კოდექსი და პრობაციის შესახებ კანონი.

მონაწილეები: ციხის საერთაშორისო რეფორმა, საქართველოს ახალგაზრდა იურისტთა ასოციაცია, „კონსტიტუციის 42-ე მუხლი", საქართველოს ადვოკატთა ასოციაცია, ადვოკატები დამოუკიდებელი პროფესიისათვის, საზოგადოებრივი დამცველი, წამების მსხვერპლთა ფსიქოსოციალური და სამედიცინო რეაბილიტაციის ცენტრი, ახალგაზრდა ადვოკატები.

მისამართი: ქუთაისი, საქართველოს პარლამენტი