საია საქართველოს პარლამენტს საკანონმდებლო მოსაზრებებს წარუდგენს
თბილისი. საია „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და მასთან დაკავშირებულ საკანონმდებლო აქტებში შესატანი ცვლილებების შესახებ, საქართველოს პარლამენტს მოსაზრებებს წარუდგენს.
საია მნიშვნელოვნად მიიჩნევს ყურადღება გაამახვილოს „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და „მიზნობრივი დანიშნულების და სასოფლო-სამეურნეო დანიშნულების მიწის მდგრადი მართვის შესახებ" კანონის პროექტში წარმოდგენილ შემდეგ საკითხებზე: ა) უცხოელის მიერ სასოფლო-სამეურნეო დანიშნულების მიწის საკუთრებაში მიღება მემკვიდრეობით და დადგენილი შეზღუდვები; ბ) სასოფლო-სამეურნეო დანიშნულების მიწის ნაკვეთის უზრუნველყოფის საშუალებად გამოყენების აკრძალვა; გ) საქართველოში რეგისტრირებული კერძო სამართლის იურიდიული პირის პარტნიორის ცვლილება; დ) სასოფლო-სამეურნეო დანიშნულების მიწის სახელმწიფოს უპირატესი შესყიდვის უფლება; ე)საინვესტიციო გეგმა.
წყარო: ორგანიზაციის ვებგვერდი
