თბილისი. „ადამიანის უფლებების სწავლებისა და მონიტორინგის ცენტრი" (EMC), თემირლან მაჩალიკაშვილთან დაკავშირებით, იუსტიციის მინისტრისა და საქართველოს პრეზიდენტის პოზიციებს პოლიტიკური უპასუხისმგებლობის და ადამიანის უფლებების იგნორირების უხეშ მაგალითებად აფასებს.

„EMC კიდევ ერთხელ მოუწოდებს სახელმწიფო თანამდებობის პირებს, თავი შეიკავონ დაუსაბუთებელი, ადამიანების ღირსებისა და უფლებების უგულებელყოფაზე მიმართული განცხადებებისგან და სათანადოდ გაიაზრონ თემირლან მაჩალიკაშვილის სიცოცხლის ხელყოფის საქმეზე სახელმწიფოს მიერ ადამიანის უფლებების უხეში დარღვევის ხარისხი და ის სოციალური კონტექსტი, რომელიც ამ საქმეს აქვს", - ვკითხულობთ EMC-ის მიერ გაკეთებულ განცხადებაში.

წყარო: ორგანიზაციის ვებგვერდი