თბილისი. საქართველოს ახალგაზრდა იურისტთა ასოციაცია ეხმიანება პირადი ცხოვრების ამსახველი ვიდეოს გავრცელების ფაქტზე კიდევ ერთი პირის დაკავების შემთხვევას.

„აღსანიშნავია, რომ დაახლოებით 2 თვის წინ, ასევე პირადი ცხოვრების ამსახველი ვიდეოჩანაწერების შენახვისა და მასობრივი გავრცელების ფაქტზე საქართველოს შინაგან საქმეთა სამინისტრომ 16 პირი დააკავა.

საია მიიჩნევს, რომ სამართალდამცავთა მხრიდან განხორციელებული ქმედებები ქმნის პირადი ცხოვრების ამსახველი მასალის გავრცელების წინააღმდეგ ბრძოლის ილუზიას, რამდენადაც, სავარაუდოდ არ ტარდება რეალური ღონისძიებები ამგვარი ქმედების დანაშაულის პირველწყაროს დასჯის მიზნით", ნათქვამია ორგანიზაციის ვებგვერდზე.

წყარო: gyla.ge