GDI-მ უცხოელებზე მიწის გაყიდვის კანონპროექტზე შენიშვნები წარადგინა
თბილისი. საქართველოს დემოკრატიულმა ინიციატივამ (GDI) საქართველოს პარლამენტს „სასოფლო-სამეურნეო დანიშნულების მიწის საკუთრების შესახებ" საქართველოს ორგანული კანონის პროექტსა და მასთან დაკავშირებულ სხვა კანონპროექტებზე შენიშვნები და წინადადებები წარუდგინა. „GDI-ს მიერ წარდგენილ შენიშვნებსა და წინადადებებში ყურადღება გამახვილებულია რამდენიმე საკითხზე: მათ შორის, თანასწორობის პრინციპის უგულებელყოფაზე, კანონპროექტის ფარგლებში არსებული შეზღუდვების რაციონალურობასა და ლეგიტიმური ახსნის არასებობაზე, ასევე სასოფლო-სამეურნეო დანიშნულების მიწის ნაკვეთის უზრუნველყოფის საშუალებად გამოყენების აკრძალვის პრობლემურობაზე", ნათქვამია ორგანიზაციის ვებგვერდზე.
წყარო: gdi.ge
