აჭარა. 26 მარტს,  სახალხო დამცველის ბათუმის ფილიალის ოფისში ახალგაზრდულმა არასამთავრობო ორგანიზაციამ „ჩვენი თაობა" შეხვედრა გამართა თემაზე: „ახალგაზრდული პოლიტიკის განვითარება აჭარაში". შეხვედრას ესწრებოდნენ აჭარის მთავრობის წარმომადგენლები, აჭარის რეგიონში მოქმედი ახალგაზრდული საზოგადოებრივი ორგანიზაციების წევრები, საჯარო სკოლებისა და უმაღლესი სასწავლებლების თვითმმართველობების თავმჯდომარეები. შეხვედრის მთავარი მიზანს ახალგაზრდებსა და ხელისუფლების წარმომადგენლებს შორის დიალოგისა და თანამშრომლობის ხელშეწყობა წარმოადგენდა. შეხვედრის მონაწილეებმა დისკუსიის რეჟიმში  აჭარაში არსებული ახალგაზრდებთან დაკავშირებული პრობლემები განიხილეს.