ახალციხეში ამნისტიის თემაზე დისკუსია გაიმართა
სამცხე–ჯავახეთი. 27 მარტს, ახალციხის დემოკრატიული ჩართულობის ცენტრში ამნისტიისა და პრობაციონერების რესოციალიზაციის თემაზე ახალგაზრდებს შორის დისკუსია გაიმართა. შეხვედრა სამცხე-ჯავახეთის რეგიონული ასოციაცია ,,ტოლერანტისა” და ახალციხის დემოკრატიული ჩართულობის ცენტრის ორგანიზებით მოეწყო.
დისკუსიას იურისტები, სამცხე-ჯავახეთის სახელმწიფო სასწავლო უნივერსიტეტის აკადემიური პერსონალი, სტუდენტები და სკოლის მოსწავლეები ესწრებოდნენ. შეხვედრის მონაწილეებმა, 2012 წლის 28 დეკემბერს საქართველოს პარლამენტის მიერ მიღებული ამნისტიის კანონის შესახებაც ისაუბრეს.
