თბილისი. ინფორმაციის თავისუფლების განვითარების ინსტიტუტმა სოციალური მომსახურების  სააგენტოდან მიღებული საჯარო ინფორმაცია გამოაქვეყნა. „2013 წლის 1 იანვრიდან დირექტორის თანამდებობრივი სარგო შეადგენს 2 600 ლარს, რაც წლიურად 31 200 ლარს უტოლდება. შესაბამისად, სააგენტოს დირექტორმა 2012 წლის 1 იანვრიდან 2013 წლის 18 თებერვლის ჩათვლით ხელფასის ერთმაგი ოდენობის პრემია აიღო. დირექტორის მოადგილეების შემთხვევაში თანამდებობრივი სარგო შეადგენს 2 400 ლარს, რაც წელიწადში 28 800 ლარს აღწევს. მოადგილეები ხელფასზე გაცილებით მეტ პრემიებს იღებდნენ", ნათქვამია ორგანიზაციის ვებგვერდზე. ინფორმაციის თავისუფლების განვითარების ინსტიტუტმა გამოაქვყენა ინფორმაცია ბიუჯეტის ბალანსის, 2012 წლის 1 იანვრიდან გაცემული პრემიების, ავტოპარკის ხარჯების, საშტატო ნუსხისა და თანამდებობრივი სარგოს, თანამშრომლების განთავისუფლების, 10 დეკემბრის ანგარიშების შესახებ. 

სრულად 

წყარო:ორგანიზაციის გვერდი სოციალურ ქსელში