სსო-ები პოლიტიკურ პარტიებს კონსტრუქციულობისკენ მოუწოდებენ
თბილისი. საზოგადოებრივი ორგანიზაციების ნაწილი ერთობლივ განცხადებას ავრცელებს და პოლიტიკურ პარტიებს კონსტრუქციულობისკენ მოუწოდებს.
„19 მაისს რამდენიმე საარჩევნო ოლქში რიგგარეშე/შუალედური არჩევნები უნდა ჩატარდეს. ბოლო კვირის განმავლობაში ზუგდიდის საარჩევნო ოლქში პოლიტიკური პროცესები უკიდურესად გამწვავდა. მიგვაჩნია, რომ არჩევნებში ჩართულმა ყველა მხარემ სიტუაციის უფრო მეტად გამწვავებისგან მაქსიმალურად უნდა შეიკავოს თავი. მნიშვნელოვანია, რომ ყველა კანდიდატს საშუალება ჰქონდეს, მშვიდ გარემოში აწარმოოს საარჩევნო კამპანია და ამომრჩეველს ხელი არ შეეშალოს საკუთარი ნების თავისუფლად გამოხატვაში", ნათქვამია განცხადებაში.
წყარო: www.transparency.ge
