ქარტია “გურიის მოამბის” რედაქტორთან დაკავშირებული საქმის გამოძიებას ითხოვს
თბილისი. საქართველოს ჟურნალისტური ეთიკის საბჭო „გურიის მოამბის“ რედაქტორთან დაკავშირებული საქმის გამოძიებას მოითხოვს.
„9 სექტემბერს “გურიის მოამბის” რედაქტორმა, თეა იოსელიანმა განაცხადა, რომ მას სოციალური ქსელში უცნობი პირი შვილების მოკვლით დაემუქრა. თეა იოსელიანი მიღებულ შეტყობინებას თავის პროფესიულ საქმიანობას უკავშირებს. მუქარის შესახებ თეა იოსელიანმა შინაგან საქმეთა სამინისტროს“, - ნათქვამია ქარტიის საბჭოს მიერ გავრცელებულ განცხადებაში, - „საქართველოს ჟურნალისტური ეთიკის ქარტია მიმართავს შინაგან საქმეთა სამინისტროს, დროულად გამოიძიოს თეა იოსელიანთან დაკავშირებული შემთხვევა, მიაწოდოს საზოგადოებას ინფორმაცია გამოძიების მიმდინარეობის, შედეგების შესახებ და დანაშაულის დადასტურების შემთხვევაში დადგეს შესაბამის პირთა პასუხისმგებლობის საკითხი“.
წყარო: ორგანიზაციის ვებგვერდი
