საჯარო რეესტრს საოკუპაციო ხაზთან მდებარე მიწის ნაკვეთის საკუთრებაში დარეგისტრირება დაევალა
თბილისი. ადამიანის უფლებათა ცენტრის ინიციატივით, საჯარო რეესტრს საოკუპაციო ხაზთან მდებარე მიწის ნაკვეთის ი.ბ.-სთვის საკუთრებაში დარეგისტრირება დაევალა.
„სოფელ დიცის მკვიდრმა ი.ბ.-მ იმის დასამტკიცებლად, რომ ნაკვეთი ოკუპირებულ ზონაში არ იყო მოქცეული, სასამართლო დავა 2018 წელს დაიწყო. რაიონულმა და სააპელაციო სასამართლოებმა ფაქტი დაადასტურეს. ორი ინსტანციის გადაწყვეტილება საჯარო რეესტრს უზენაეს სასამართლოში აღარ გაუსაჩივრებია, რაც ნიშნავს იმას, რომ ი.ბ. მიწის ნაკვეთის დარეგისტრირებას შეძლებს“, ნათქვამია ორგანიზაციის ვებგვერდზე.
წყარო: ორგანიზაციის გვერდი სოციალურ ქსელში
