აჭარა.12 აპრილს ხანდაზმულთა სოციალური ცენტრის ბენეფიციარები ქობულეთის კულტურის ცენტრის საგამოფენო დარბაზს და ხელოვნების სალონს სტუმრობდნენ, სადაც ნიკო ფიროსმანის შემოქმედებისადმი მიძღვნილი კვირეული დევიზით „ავაშენოთ დიდი სახლი, დავდგათ „სამოვარი", ვსვათ ჩაი და ვისაუბროთ ხელოვნებაზე" მიმდინარეობდა.  ბენეფიციარებმა ფიროსმანის ცხოვრების ამსახველი ფოტო-გამოფენა, ბავშვთა ნამუშევრების გამოფენა „ფიროსმანი ჩვენს ნახატებში" და ადგილობრივი მხატვრების ნამუშევრები დაათვალიერეს. სტუმრებს მასპინძლობა ხელოვნების სალონის ორგანიზატორმა გაუწიეს.  ღონისძიება გაიმართა ასოციაცია „ღირსეული სიბერის" მიერ პროექტის ხანდაზმულთა სოციალური ცენტრი ფარგლებში.

წყარო:ორგანიზაციის გვერდი სოციალურ ქსელში