სამეგრელო.არასამთავრობო ორგანიზაცია „თანხმობამ",  გერმანულმა ორგანიზაცია „სამარიტელ მუშაკთა კავშირმა" და ზუგდიდის მუნიციპალიტეტის ადგილობრივმა ხელისუფლებამ,  12 აპრილს, მემორანდუმს მოაწერეს ხელი. იგი კონფლიქტის შედეგად დაზარალებული მოსახლეობის სოციალურ–ეკონომიკური მდგომარეობის გაუმჯობესების საკითხში თანამშრომლობას ითვალისწინებს. მუნიციპალიტეტში, სოციალური მომსახურების და ეკონომიკური მდგომარეობის გაუმჯობესების მიზნით, არასამთავრობო ორგანიზაციებმა განახორციელეს პროექტი, რომლის შედეგად, ზუგდიდში შეიქმნა 5 სოციალური საწარმო, სადაც 25 ადამიანი დასაქმდა. ასოციცია „თანხმობის" ხელმძღვანელის იულია ხარაშვილის განცხადებით,  სოციალურ საწარმოებში,  დასაქმებულები არიან აფხაზეთიდან დევნილები, სოციალურად დაუცველი და შშმ პირები.