სსო-ები ონის ჰიდროელექტროსადგურების კასკადთან დაკავშირებით მიღებული გადაწყვეტილების გაბათილებას მოითხოვენ
თბილისი. მწვანე ალტერნატივამ და საიამ თბილისის საქალაქო სასამართლოს სარჩელით მიმართეს და გარემოს დაცვისა და სოფლის მეურნეობის მინისტრის 2020 წლის 17 მარტის ბრძანების ბათილად ცნობა მოითხოვეს, რომლითაც „ონის ჰიდროელექტროსადგურების კასკადის“ პროექტზე გარემოსდაცვითი გადაწყვეტილება გაიცა.
„ჰესის მშენებელმა კომპანიამ – სს „ონის კასკადმა“, არ უზრუნველყო ადამიანების ჯანმრთელობასა და გარემოს უსაფრთხოებისათვის არსებული რისკების შესამოწმებლად კანონით სავალდებულო კვლევების ჩატარება“.
წყარო: greenalt.org
