საპარლამენტო არჩევნები პანდემიის პირობებში
თბილისი. პორტალი ადამიანის უფლებების შესახებ აქვეყნებს ლანა გიორგაძის ბლოგპოსტს: საპარლამენტო არჩევნები პანდემიის პირობებში.
„2020 წლის ოქტომბერში საქართველოში საპარლამენტო არჩევნები გაიმართება, სწორედ ამ დროს ელოდებიან ეპიდემიოლოგები ახალი კორონავირუსის მეორე ტალღას. 2 ივლისს საარჩევნო კოდექსში შევიდა ცვლილებები, რომლის თანახმად დაზუსტდა ზოგიერთი საარჩევნო ღონისძიება და ვადა, ხოლო ახალი კორონავირუსის გავრცელების პრევენციის მიზნით, რა შეზღუდვები იქნება არჩევნების დღეს, ან რა წესების დაცვა იქნება აუცილებელი საარჩევნო უბნებზე, ამას საარჩევნო კოდექსის თანახმად, ცენტრალური საარჩევნო კომისია საჭიროებისამებრ განსაზღვრავს“, ნათქვამია ორგანიზაციის ვებგვერდზე.
წყარო: humanrights.ge
