კახეთი.  პროექტი „მედია წიგნიერების გაუმჯობესება ახალგაზრდებში", რომელსაც გაზეთი „კახეთის ხმა"  და არასამთავრობო ორგანიზაცია ,,მედია ცენტრი კახეთი" ანხორციელებდა, დასრულდა.

პროექტი IREX -ის მიერ იყო დაფინანსებული. მის ფარგლებში სტუდენტების უშუალო მონაწილეობით, ასევე, გაზეთში თავსდებოდა ყოველკვირეული ჩანართი „სტუდენტის ხმა", რომლის საშუალებითაც სტუდენტებსა და მოსწავლეებს საშუალება ეძლეოდათ დაეწერათ სტატია მათთვის საინტერესო და აქტუალურ თემებზე.

პროექტი 2  ეტაპად ჩატარდა. პირველ ეტაპზე მოხდა ჟურნალისტიკის ძირითადი ელემენტების შესწავლა სტუდენტებისთვის, ხოლო მეორე ეტაპზე, პროექტის ფარგლებში საჯარო სკოლის მოსწავლეებმა შეისწავლეს როგორ უნდა დაწერონ სტატია, მოიპოვონ ინფორმაცია, მოიძიონ საინტერესო თემები, როგორ უნდა გადაიღონ ფოტო, ვიდეო და სხვა.