დედამიწის დღე ქუთაისის სამოქალაქო კლუბში
იმერეთი. 22 აპრილს, ქუთაისის #25 საჯარო სკოლის სამოქალაქო კლუბის „არკადიმიას" ინიციატივით დედამიწის დღისადმი მიძღვნილი ღონისძიებები მოეწყო. მოსწავლეებმა სკოლაში გამოფინეს გარემოს დაცვის თემაზე შექმნილი ნახატები. მომზადდა ლიტერატურული კომპოზიცია „მოვუაროთ დედამიწას", რომელშიც სკოლის უმცროსკლასელები მონაწილეობდნენ. სკოლას სტუმარიც ჰყავდა - საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე გიორგი ცაგარეიშვილი, რომელმაც სამოქალაქო კლუბის ნამუშევრების დათვალიერების შემდეგ საჯარო ლექცია წაიკითხა გარემოს დაცვის და ბუნებრივი რესურსების მოხმარების თემაზე. ლექციას „სამოქალაქო განათლების და პედაგოგთა გადამზადების პროგრამის" ქუთაისის სამიზნე სკოლების სამოქალაქო კლუბების წევრებიც ესწრებოდნენ, შეხვედრა კითხვა-პასუხის რეჟიმში გაგრძელდა.
წყარო:ორგანიზაციის გვერდი სოციალურ ქსელში
