კოალიცია სასამართლოს გადაწყვეტილებას ეხმაურება
თბილისი. კოალიცია „დამოუკიდებელი და გამჭვირვალე მართლმსაჯულებისთვის“ შეშფოთებას გამოხატავს „საერთაშორისო გამჭვირვალობა - საქართველოს“ წინააღმდეგ თბილისის სააპელაციო სასამართლოს მიერ მიღებული გადაწყვეტილების გამო. სასამართლომ ცილისწამებად მიიჩნია ორგანიზაციის მიერ კვლევაში გამოთქმული მოსაზრებები.
„ხაზგასმით ვაცხადებთ, რომ აღნიშნული გადაწყვეტილების ძალაში დარჩენის შემთხვევაში საფრთხე შეექმნება ქვეყანაში სიტყვისა და გამოხატვის თავისუფლებას და უფლებადამცველ ორგანიზაციათა საქმიანობის ფუნდამენტურ პრინციპებს“.
წყარო: gyla.ge
