თბილისი. 26 აპრილს სამართლიანმა არჩევნებმა, ახალგაზრდა იურისტთა ასოციაციამ და საერთაშორისო გამჭვირვალობამ სამ ოლქში საპარლამეტო შუალედური არჩევნების წინა საარჩევნო გარემოს მონიტორინგის შედეგები გამოაქვეყნეს.

„2012 წლის საპარლამენტოარჩევნებისგან განსხვავებით, 2013 წლის შუალედური საპარლამენტო არჩევნების წინა პერიოდი მშვიდ ვითარებაში მიმდინარეობდა. მთლიანობაში, სამივე საარჩევნო ოლქში საარჩევნო გარემო კონკურენტული იყო. კანდიდატებს ეძლეოდათ საშუალება თავისუფლად წარემართათ საარჩევნო კამპანია, გაევრცელებინათ სააგიტაციო მასალები, გაემართათ შეხვედრები ამომრჩევლებთან. ამომრჩევლები არ იყვნენ შეზღუდული დასწრებოდნენ წინასაარჩევნო შეხვედრებს და გამოეხატათ საკუთარი პოზიცია რომელიმე კანდიდატის მხარდასაჭერად", ნათქვამია ორგანიზაციების შეფასებაში.

წყარო: სამართლიანი არჩევნების გვერდი სოციალურ ქსელში