მთავრობის გადაწყვეტილებები ნამახვანჰესზე დაუსაბუთებელი, ფრაგმენტული და ზედაპირულია
თბილისი. სოციალური სამართლიანობის ცენტრი ეხმაურება საქართველოს მთავრობის ადმინისტრაციის მიერ გაჟღერებულ გადაწყვეტილებებს ნამახვანი ჰესის პროექტთან დაკავშირებით.
„მთავრობის განცხადებამ კიდევ ერთხელ დაადასტურა, რომ ხელისუფლება კვლავ არ არის მზად პროექტის ირგვლივ დემოკრატიული და რეალური დიალოგის წარმართვისთვის და მთავრობის მიერ წარმოდგენილი წინადადებები უფრო მეტად პრობლემის მოჩვენებითად, ფრაგმენტულად და ზედაპირულად გადაჭრის მცდელობას წარმოადგენს.
ნამახვანი ჰესის სამშენებლო სამუშაოების შეჩერების თაობაზე რიონის ხეობის მცველების პრინციპული და გადამწყვეტი მოთხოვნის შეუსრულებლობით, მთავრობამ რეალური, დემოკრატიული და სამართლიანი დიალოგის შესაძლებლობა კიდევ ერთხელ გაუშვა ხელიდან, რის გამოც, ხეობის მცველებს პროტესტის ქუჩაში გაგრძელება უწევთ“, ნათქვამია განცხადებაში.
წყარო: socialjustice.org.ge
ფოტო: დათო სიმონია
