ომბუდსმენის აპარატის მიერ ჩატარებული ღონისძიებები ბავშვთა დაცვის საერთაშორის კვირეულის ფარგლებში
თბილისი. 2021 წლის ივნისის თვეში ბავშვთა დაცვისა და გარემოს საერთაშორისო კვირეულის ფარგლებში, ომბუდსმენის აპარატის აღმოსავლეთ და დასავლეთ საქართველოს სამმართველოების წარმომადგენლებმა ქართულ, აზერბაიჯანულ და სომხურ ენაზე ვებინარები და შეხვედრები გამართეს ქვეყნის სხვადასხვა რეგიონებში საჯარო სკოლის მოსწავლეებთან, მასწავლებლებთან, მშობლებთან, სკოლამდელი სააღმზრდელო დაწესებულებების ხელმძღვანელებთან, ახალგაზრდებთან და სათემო ცენტრებთან. ასევე, მონაწილეობა მიიღეს ტელე/რადიო გადაცემებში.
ღონისძიებებმა მოიცვა იმერეთის, სამეგრელოს, გურიის, აჭარის, სვანეთის, შიდა ქართლის, კახეთის, მცხეთა-მთიანეთის, ქვემო ქართლისა და სამცხე-ჯავახეთის რეგიონები.
წყარო: ombudsman.ge
