გორის მუნიციპალიტეტის მერიას ომის შედეგად დაზიანებული სახლის აღსადგენად თანხის გადახდა დაეკისრა
შიდა ქართლი. საქართველოს ახალგაზრდა იურისტთა ასოციაცია (საია) იცავდა პირს, რომელსაც 2008 წლის აგვისტოს საომარი მოქმედებებისას გორის მუნიციპალიტეტის სოფელ ზემო ნიქოზში საცხოვრებელი სახლი დაუზიანდა.
„საცხოვრებელი სახლის დაზიანება მოხვედრილმა ჭურვებმა გამოიწვიეს, რამაც მასში ცხოვრება შეუძლებელი გახადა. დაზარალებულ ოჯახს, გორის მუნიციპალიტეტის მერია წლების განმავლობაში უარს ეუბნებოდა სახლის აღდგენაზე იმ საფუძვლით, რომ ბიუჯეტში არ იყო ფინანსური სახსრები ომის შედეგად დაზიანებული სახლების აღსადგენად“.
ორგანიზაციის დახმარებით, სასამართლომ გორის მუნიციპალიტეტის მერიას დაავალა საცხოვრებელი სახლის აღსადგენად მოსარჩელეს 24 893.05 ლარი გამოუყოს.
წყარო: gyla.ge
