GDI-ს განცხადება „ლა ტრუფში“ მომხდარ ინციდენტთან დაკავშირებით
თბილისი. საქართველოს დემოკრატიულმა ინიციატივამ რესტორან „ლა ტრუფში" მომხდარ ინციდენტთან დაკავშირებით განცხადება გაავრცელა. „საქართველოს დემოკრატიული ინიციატვა გმობს ძალადობის ნებისმიერ გამოვლინებას და მივიჩნევთ, რომ მსგავსი ფაქტები უარყოფითად აისახება ქვეყანაში მიმდინარე პოლიტიკურ პროცესებზე", ნათქვამია განცხადებაში. ორგანიზაცია მოუწოდებს შინაგან საქმეთა სამინისტროს აწარმოოს სწრაფი და ეფექტური გამოძიება მომხდარ ინციდენტთან დაკავშირებით, რათა მოხდეს სამართალდამრღვევ პირთა დროული იდენტიფიცირება და მათი პასუხისგებაში მიცემა.
წყარო: gdi.ge
