ევროპარლამენტარებმა საქართველოს სახალხო დამცველის მხარდამჭერი განცხადება გაავრცელეს
თბილისი. ევროპის პარლამენტის 2019-2024 წლის მოწვევის პარლამენტარებმა, სამხრეთ კავკასიასთან ურთიერთობის დელეგაციის თავმჯდომარემ მარინა კალიურანდმა და საქართველოს საკითხებში მუდმივმა მომხსენებელმა სვენ მიქსერმა ერთობლივი განცხადება გააკეთეს, სადაც საქართველოს სახალხო დამცველის როლის მნიშვნელობას გაუსვეს ხაზი.
„ჩვენ მტკიცედ ვუჭერთ მხარს სახალხო დამცველის აპარატის მუშაობას, რომელიც უმნიშვნელოვანეს როლს ასრულებს ქართულ საზოგადოებაში. ქალბატონი ნინო ლომჯარია და მისი აპარატის მუშაობა ქებას იმსახურებს, ხოლო მათი დამოუკიდებლობის წინააღმდეგ მიმართული თავდასხმები, ვისგანაც არ უნდა მოდიოდეს, ყოველთვის შემაშფოთებელია“, ნათქვამია განცხადებაში.
წყარო: ombudsman.ge
