თბილისი. ინფორმაციის თავისუფლების განვითარების ინსტიტუტმა საგანმანათლებლო დაწესებულების მანდატურის სამსახურიდან მიღებული საჯარო ინფორმაცია გამოაქვეყნა. ორგანიზაციის ვებგვერდზე გაეცნობით ინფორმაციას პრემიების, ბიუჯეტის, გათავისუფლებული თანამშრომლების, საშტატო ნუსხისა და თანამდებობრივი სარგოების, ავტოპარკისა და დაფინანსებული ღონისძიებების შესახებ. 

IDFI–ის ინფორმაციით, სამსახურმა არასრულყოფილად მიაწოდა „ინფორმაცია თანამდებობის პირთა და თანამშრომელთა პრემიების შესახებ, რადგან ინფორმაცია 2012 წლის შესახებ მოწოდებულია დაჯამებული სახით, აგრეთვე არ იქნა მოწოდებული 2013 წლის მონაცემები. მანდატურის სამსახურმა ასევე უპასუხოდ დატოვა 10 დეკემბრის ანგარიშის შესახებ მოთხოვნა. ყველა სხვა შემთხვევაში მოწოდებული ინფორმაცია იყო სრულყოფილი".

წყარო: opendata.ge