ფილმის „ჯოჯოხეთის ქვა“ პრემიერა
თბილისი. სოციალური სამართლიანობის ცენტრის ინფორმაციით, 9 დეკემბერს, 14:00 საათზე, თბილისის საერთაშორისო კინოფესტივალის ფარგლებში, კინოთეატრ ამირანში გაიმართება თეკლა ასლანიშვილის და გიორგი გაგო გაგოშიძის ფილმის პრემიერა.
„„ჯოჯოხეთის ქვა” - ექსპერიმენტული ესეისტური დოკუმენტური ფილმია, რომლის ამოსავალი ადგილი საქართველოს რესპუბლიკის პატარა ქალაქი - ჭიათურაა. ფილმი ფეხდაფეხ მისდევს მანგანუმის ნედლეულს, ადგილზე მოპოვებიდან შემდგომი გადამუშავების ეტაპების გავლით და მის კვალს საბოლოოდ ქალაქ ფოთში გემზე დატვირთვის შემდეგ კარგავს.
ფილმი, სხვებთან ერთად, სოციალური სამართლიანობის ცენტრის და ჰაინრიხ ბიოლის ფონდის მხარდაჭერით მომზადდა“.
წყარო: ორგანიზაციის გვერდი სოციალურ ქსელში
