კახეთში მოქმედი სამოქალაქო საზოგადოების ორგანიზაციებისთვის ტრენინგი ჩატარდა
კახეთი. საერთაშორისო გამჭვირვალობა - საქართველომ კახეთის რეგიონში მოქმედი არასამთავრობო ორგანიზაციებისთვის ტრენინგი ჩაატარა თემაზე: „საბიუჯეტო პროცესი მუნიციპალიტეტებში და სამოქალაქო სექტორის ჩართულობა ბიუჯეტირებაში“.
„მონაწილეები გაეცნენ ბიუჯეტის შედგენის, მასში ცვლილებების შეტანისა და დამტკიცების სრულ ციკლს. გაეცნენ იმ დოკუმენტაციას, რაც საბიუჯეტო პროცესს სავალდებულოდ ახლავს. ასევე, გაეცნენ ინიციატივების სწორედ ჩამოყალიბებისა და მუნიციპალიტეტისთვის დროულად მიწოდების წესებისა და ვადების შესახებ ინფორმაციას“.
წყარო: ორგანიზაციის გვერდი სოციალურ ქსელში
