EU და UNDP ხელს უწყობენ სოფლის განვითარებას
თბილისი. 2017 წელს, საქართველომ სოფლის განვითარების ძირეული რეფორმა წამოიწყო, რომლის განხორციელების შედეგად, საქართველოს სოფელმა თანამედროვე ეკონომიკური დატვირთვა უნდა შეიძინოს.
„რეფორმის განხორციელების პირველივე დღეებიდან, ევროკავშირი (EU) და გაეროს განვითარების პროგრამა (UNDP) აქტიურად უჭერენ მხარს ამ უმნიშვნელოვანეს გარდაქმნას და ხელს უწყობენ შესაბამისი პოლიტიკის შემუშავებასა და სოფლად პრაქტიკული ინიციატივების განხორციელებას.
ამ დახმარების ფარგლებში, 2020 და 2021 წლებში, 9 მილიონი ლარის (დაახლოებით 3 მილიონი აშშ დოლარი) ღირებულების საგრანტო პროგრამა განხორციელდა, რომლითაც მთლიანობაში 80-ზე მეტმა მცირე მეწარმემ ისარგებლა“.
წყარო: eu4georgia.eu
