თბილისი. მიმდინარე წლის 14 მაისს, საქართველოს მცირე და საშუალო საწარმოთა ასოციაციის ორგანიზებით სასტუმრო „ბეტსიში", გაიმართა კონფერენცია საქართველოს და აშშ-ს კერძო სექტორებს შორის ბიზნეს ურთიერთობების გაღრმავების მიზნით. ღონისძიებას ესწრებოდნენ ასოციაციის, აშშ–ს საელჩოს, ამერიკის სავაჭრო დეპარტამენტის, საქართველოს ეკონომიკისა და მდგრადი განვითარების სამინისტროსა და კერძო სექტორის წარმომადგენლები

კონფერენციაზე  ყურადღება გამახვილდა საქართველო-აშშ-ს შორის გაფორმებული ქარტიის ეკონომიკურ საკითხებს და ორი ქვეყნის კერძო სექტორებს შორის ურთიერთობების გაღრმავების სხვადასხვა გზების განხილვას. შემდგომ აშშ-ს ვაჭრობის დეპარტამენტის წარმომადგენელმა გააკეთა პრეზენტაცია მცირე და საშუალო ბიზნესზე აშშ-ში და მათ მნიშვნელობაზე ზოგადად ქვეყნის განვითარების საქმეში. ასევე გაიმართა პროგრამის (The Special Americam Business Internship Training) პრეზენტაცია, რომელიც საშუალებას აძლევს  საშუალო და მაღალი რგოლის მენეჯერებს კერძო სექტორიდან გაიარონ პრაქტიკა აშშ-ში მათთვის საინტერესო სფეროში. ასევე გაიმართა ვორქშოფი ასოციაციების განვითარების თემაზე.

წყარო – ორგანიზაციის გვერდი სოციალურ ქსელში