ბათუმი. 16 მაისს, ბათუმის დემოკრატიული ჩართულობის ცენტრში, ბათუმის ხელოვნათა სახლმა - „არგანმა"  ბათუმის მე-8 საერთაშორისო კონოფესტივალის პრეზენტაცია გამართა. BIAFF მაყურებელს წელს განხვავებულ პროგრამას სთავაზობს. პრეზენტაციაზე ფესტივალის მენეჯერმა ყურადღება ბრიტანეთის საბჭოს პარტნიორობით დაგეგმილი დოკუმენტური კინოს ვორქშოპებზე გააკეთა. მცირე ბიუჯეტიანი ფილმების გადაღებით დაინტერესებული პირებისთვის კომპანია „ფილმ ლონდონის" კინემატოგრაფისტთა ჯგუფი სამდღიან ტრენინგს ჩაატარებს. ფესტივალის საინტერესოდ გაშუქებისთვის საუკეთესო ბლოგერები დაჯილდოვდებიან. პოლონელი პარტნიორების მონაწილეობით ღია ცისქვეშ ღამის კინოსეანსები მოეწყობა. რაც შეეხება ფესტივალის ტრადიცულ პროგრამას, წელს საკონკურსო ნაწილში ფესტივალის მთავარი ჯილდოს - გრან პრის მოსაპოვებლად მხატვრული, დოკუმენტური და მოკლემეტრაჟიანი ფილმების სექციაში, 40 რეჟისორი მიიღებს მონაწილეობას.