თბილისი. „იდენტობამ" 17 მაისის მანიფესტაციასთან დაკავშირებით განცხადება გაავრცელა. ორგანიზაციის განცხადებით  საქართველოს შინაგან საქმეთა სამინისტომ არ მიიღო სათანადო ზომები აქციის მშვიდობიანად დაწყებისა და დასრულების უზრუნველსაყოფად.  „პოლიციას სათანადო ზომები არ მიუღია: ადგილზე არ იყო მობილიზებული პოლიციელთა სათანადო რაოდენობა, ისინი არ იყვნენ აღჭურვილნი ძალადობის შესაკავებლად. მათ არ გამოიყენეს ასეთი შემთხვევებისთვის კანონით გათვალისწინებული არცერთი საშუალება.  პოლიციამ, აქციის მონაწილეთა მხოლოდ გარკვეული ნაწილის ევაკუაცია მოახერხა, თუმცა ამ შემთხვევაშიც კონტრადემონსტრანტებმა და სასულიერო პირებმა მოახერხეს ავტობუსებზე თავდასხმა და მონაწილეთა ფიზიკური დაზიანება", ნათქვამია განცხადებაში. იდენტობა ხელისუფლებისგან დანაშაულის  მყისიერ აღკვეთას, დამნაშავეების დაკავებასა და გამოძიების დაწყებას ითხოვს.

სრულად

წყარო: identoba.com