UNCAC-ის კოალიცია სოლიდარობას უცხადებს უკრაინას
UNCAC კოალიცია არის ანტიკორუფციული ორგანიზაციების გლობალური ქსელი, რომელიც ერთგულია ადამიანის უფლებებისა და დემოკრატიის მიმართ.
„ჩვენ ვგმობთ რუსეთის შეჭრას უკრაინაში, როგორც საერთაშორისო სამართლისა და ადამიანის უფლებების უხეშ დარღვევას. ეს არის გაერთიანებული ერების ორგანიზაციის ქარტიის სუვერენული თანასწორობის, ტერიტორიული მთლიანობისა და სხვა სახელმწიფოების საშინაო საქმეებში ჩაურევლობის პრინციპების მძიმე დარღვევა - პრინციპები, რომლებსაც გაერო-ს კორუფციის წინააღმდეგ კონვენციაც იმეორებს.
მოვუწოდებთ ყველა ქვეყანას, განსაკუთრებით კი მათ, სადაც მოქმედებს ძირითადი ფინანსური ცენტრები, გადადგან სწრაფი და კონკრეტული ნაბიჯები მოპარული ფინანსების შესაჩერებლად და უკანონოდ შეძენილი აქტივების მოძიებისა და გაყინვის მიზნით. მათ შორის, მნიშვნელოვანია ბენეფიციარი მესაკუთრეების და კომპანიების ცენტრალური საჯარო რეესტრის შექმნა, ასევე გამჭვირვალობის ზომების მიღება, განსაკუთრებით, კორუფციისადმი მოწყვლად სექტორებში“.
წყარო: transparency.ge
