ადვოკატირების შედეგად ინფრასტრუქტურული პრობლემები მოგვარდა
საქართველო. „საერთაშორისო გამჭვირვალობა - საქართველოს” ინფორმაციით, ორგანიზაციის სამოქალაქო საბჭოების 2021 წლის მუშაობის შედეგად საქართველოს 4 რეგიონში, სამეგრელოში, იმერეთში, სამცხე-ჯავახეთსა და აჭარაში 95 ინფრასტრუქტურული პრობლემა გადაიჭრა.
სამოქალაქო საბჭოები საერთაშორისო გამჭვირვალობა - საქართველოს მიერ ქვეყნის 6 რეგიონში (აჭარა, სამეგრელო, იმერეთი, კახეთი, სამცხე-ჯავახეთი, შიდა ქართლი) შექმნილი მოქალაქეთა არაფორმალური გაერთიანებებია, რომელთა მიზანია ადგილობრივი მოსახლეობისა და თვითმმართველობების დახმარებით, სხვადასხვა თემში არსებული ინფრასტრუქტული საჭიროებების გამოვლენა და გადაწყვეტა.
წყარო: ორგანიზაციის გვერდი სოციალურ ქსელში
