საია: საკანონმდებლო ინიციატივა პრეზიდენტის წინააღმდეგ მიმართული ანგარიშსწორებაა
თბილისი. საქართველოს ახალგაზრდა იურისტთა ასოციაცია თვლის, რომ მმართველი პარტიის საკანონმდებლო ინიციატივა კომპეტენციის შესახებ დავის თაობაზე პრეზიდენტის წინააღმდეგ მიმართული ანგარიშსწორებაა.
ორგანიზაცია მოუწოდებს საქართველოს პარლამენტს, არ დაუჭიროს მხარი ინიცირებული კანონპროექტის მიღებას და არ დაუშვას კანონმდებლობის პარტიულ ინტერესებზე მორგება.
საია მიმართავს მმართველ პარტიასაც, შეწყვიტოს კანონმდებლობაში ცვლილებების შეტანის მექანიზმის თვითნებური, ვიწრო პოლიტიკური მიზნებიდან გამომდინარე გამოყენება, რომელიც საქართველოს პრეზიდენტის წინააღმდეგ პირად ანგარიშსწორებას ემსახურება.
წყარო: gyla.ge
