აჭარა.18 მაის, ბათუმის ხელოვნების ცენტრში  „ლექსების გამოფენა" მოეწყო. საგამოფენო დარბაზში ლიტერატურული კონკურსის მონაწილეთა პროზაული ნაწარმოებები და ლექსები იყო წარმოდგენილი. შესარჩევი კონკურსი რამდენიმე თვის განმავლობაში მიმდინარეობდა.   პროზისა და პოეზიის კონკურსში წარმოდგენილი ნაშრომებიდან 100 ნაწარმოები შეირჩა, რომელთაგან საუკეთესოები ჟიურის წევრებმა  ფულადი პრემიებით დაჯილდოვეს. „ლექსების გამოფენას" ბათუმი უკვე მეცხრედ მასპინძლობს. პროექტის ავტორი და ორგანიზატორია კავშირი „ხელოვნებისა და კულტურის ცენტრი", პროექტი ბათუმის მერიის მხარდაჭერით ხორციელდება.